[i55o]

DE LA VILLE DE PARIS.

227-

tout en deliberation et demandé l'avis et oppinyon ausdictz assistans.

Tous lesquelz ont conclud, advisé et deliberé que, pour le regard de lad. closture desd, faulxbourgs, mons'le Prevost des Marchans et Eschevins, mons^r le Prevost de Paris, les Maistres des euvres de lad. Ville, Bellarmato, ingenyeulx du Roy, nommé en la commission, et m^e Charles Dorigny, paintre, qui a pourtraict et figuré la ville de La Rochelle, monstrée au Roy, se transporteront sur les lieux pour designer et aligner lad. closture, icelle figurer et pourtraire au petit pied et aligner au vray; puis feront estimation en gros de ce que icelle closture pourra couster, et de tout faire ung procès verbal, lequel sera porté au Roy, pour, icelluy veu, en ordonner ce qui luy plaira.

Bacq sur la riviere. Sont aussi d'avis que led. bac se pourra bien faire et dresser selon la commission dud. seigneur.

Aygoustz de la Ville. Quant au détournement desd, aigoux, cn communiquer avce mons^r de Sainct Germain'¹', et toutesfoys

sont d'avis faire plustost passer ung bras de la riviere par dedans lesd, aigoux que faire entrer lesd, aigoùstz en la riviere, qui en seroit infectée et, partant, le peuple de Paris privé de l'usance d'icelle.

Pour la réédification des maisons de Petit Pont. Quant aud. Petit Pont, demander permission au Roy de prandre une année des plus valleurs des aydes venans à charge sur lad. Ville, telles qui sera advisé avec le Receveur d'icelle, pour faire reffaire led. Petit Pont et les maisons de dessus, sauf à repeter deniers sur les viagers, s'il est trouvé qu'il en soit deu aucuns.

Procès au Grant Conseil. Bouchers. Et quant aud. procès intenté aud. Grant Conseil, entre lad. Ville et lesd, bouchers de la Boucherye de Beauvais, sont aussi d'avis de payer et rembourser la somme dont est question aud. m° Pierre Pellerin, plustost que de continuer de poursuivre led. procès, parce qu'il cousteroit plus que ne vault le principal. Et fera led. Pellerin extraict par le menu des parties redevables sur sondict compte.

CCXXXIX [CLXXXVIII]. — Lettres portées en Chastelet.

27 novembre i55o. (Fol. 2o4.)

Du xxvii⁰ jour de Novembre mil v° l.

Aujourd'uy, suivant la deliberation du Conseil de la Ville de Paris de lundi dernier, a esté reporté ung sac ouquel estoient les six commissions cy dessus declairées et enregistrées, tant pour le faict de la closture des faulxbourgs, l'érection d'ung bac, destournement des aigoùstz, assiettes de commissaires et Quarteniers, que pour le moyen de trouver deniers pour ce faire, et autres adressantes à Bellarmato, ingenyeulx du Roy, et ont esté présentées par mons^r m^e Thomas de Bragelongne, Lieutenant de lad. Prevosté des Marchans, à mons^r le Lieutenant criminel, tenant la police, avec plusieurs Conseillers,

en la presence du Procureur du Roy ou Chastelet de Paris.

Lequel de Bragelongne leur a dit et declairé ce qui avoit esté deliberé par lad. Ville, ct que mess" les Prevost des Marchans et Eschevins d'icelle estoient prestz de faire la visitacion, quant il leur plairoitleur mander et assigner le jour et que led: Bellarmato fut venu, et qui seroit bon de l'envoyer querir. Auquel de Bragelongne a esté faict responce par mond. s^r le Lieutenant, presens les dessusdietz, qu'ilz se assembleroient avec mons" le Lieutenant civil et adviseroient ce qui seroit bon de faire, puis le manderoient à lad. Ville.

(1) Sans doute l'abbé de Saint-Germain-des-Prés, qui était alors le cardinal de Tournon.